تحدي ال٢٩ يوم

 ويا كلّ الهلا 😁

مرحبا أنا عبيدة ، مرة انا وصغيّر شفت ابوي عيكتب بس الكتابة كانت حلوة كلللش ومتناسقة ومرتبة ف سألتة قال هذا اسمو "خط" ف انا عجبني الموضوع . ☺

كنت اتمنى اصير خطاط او اتعلم كم خط ، وبحسن الحظ بالصف الرابع الابتدائي كان اكو كتاب اضافي بالمنهج اسمو الخط الكوفي وكان تدرسنا هوا الست بالصف ، انا حبيت الخط واتعلمتو وبنفس السنة عملت لوحتين للمدرسة يخبلوون ، كللش مقهور انا لأن ما اكدر اشاركّم الصور للوحتين الي هما الاقرب الى قلبي ، لأن صورهم تلفت بعمليات التحرير.  💔.

وبعد ما تحررنا بخير وسلامة اول ما بديت الدوام الست عرفت انا اعرف اخط كوفي طلبت مني لوحتين وهاي بعمر ال١٢ سنة .

 وبعد ما الست عجبتها اللوحة قالت يلا بينا لوحة ثانية حتى نشارك بمعرض 😁

بالمناسبة الست سحبت علي وما عرفت نتيجة المعرض 🤭

وبعدها بسنة هم لوحة لمدرسة ثانية 😅

وللأسف هاي سنتين تارك الخط لان ماكو واهس او احد يخليني التزم ،  هدفي بهذه التحدي هوا ان اتعلم خط الوسام وخط الرقعة عن طريق فيديوات على اليوتيوب لخطاطين مثل علي المالكي  وغيرهم كثير . 

اختياري لخط الرقعة لأنو قريب على الكتابة العادية السريعة،  يعني ممكن يحسن خطي ، صح انا اعرف اخط "كوفي" وخطي مقبول "بالنسخ" ولكن من اكتب سريع يعني بالامتحانات مثلا خطي ما ينفهم ومرة الاستاذ نقصني ٢٠ درجة بسبب الخط 🙂 .

 اما اختياري لخط الوسام ف هو بالنسبة الي خط فني يعني اعمل بي لوحات ولكن هيا كلها للمتعة بس عندي هدف انو افتح صفحة وابيع بيها لوحات من عملي ، الهدف من هذا للشي انو اتعلم شلون ابدي مشروع وشلون اتعامل مع الناس وهكذا ، حتى تفيدني بمشاريع اكبر .

خط الوسام

يا رب ما يخرب واهسي واترك التحدي،  لان انا كللش احب اتعلم خط 😍

بالتوفيق للجميع 💗