تحدي ال ٢٩ يوم

  الله أكبر كبيرًا، والحمد لله كثيرًا، وسبحان الله بكرةً وأصيلاً   ويا كلل الهلا 😊🙋‍♂️ اشونكم ؟ مثل ما تعرفون انا عدتعلم خط الرقعة ف يومياً اخط بحدود ساعتين الى ثلاث ساعات ، هدفي من بداية التحدي هوا ان اتعلّم خط الرقعة و  خظ الوسام . بأول ١٠ ايام كملت تعلم قواعد حروف خط الرقعة ، اما بهاي ال١٠ ايام الثانية صرت اكتب كلمات بهذا الخط يعني مو بس حروف ؛ حتى اختبر نفسي واحسن من الاخطاء الي عتصير ، ببداية هاي ال١٠ ايام كنت علما اكتب جملة لازم اتدرب عليها صفحة كاملة و هسا الحمد لله كل جملة اريد اقللدها او اخطها ب أول او ثاني محاولة تضبط 👌🏻✨ . بعض الاقتباسات الي كتبتها . طبعاً اغلب الاقتباسات الي اخطها والجمل اللي اقلدها مأخوذة من  " كلمات الخطاطين " واكتشفت قناة بيها كومة فيديوات تعليمية عن خط الرقعة كللش انصح بيها للخطاط "ا احمد الآغا " كمية الجهد لي حد الآن عادية ولي هسا ما راضي على الوقت والجهد الي عدقضي بالتحدي ، يعني هوا تقدم حلو بس اطمح للأحسن . تعلمتّ بهذه التحدي انو تغير حال البلد للأحسن ما يكون بشي مادّي من عدنا وانما يكون بتغير الفكر وتطوير النفس وتعلّم اي شغل

  ويا كلّ الهلا 😁😊 انا عدتعلّم ( خط الرقعة )  ف يومياً امارس الخط اقل شي ساعتين الى ٣ او ٤ ساعات ، هدفي هو تعلّم خط الرقعة وخط الوسام ، ثلثين وقت التحدي خط رقعة والثلث الاخر خط وسام .  كملت تعلم حروف خط الرقعة بواسطة قلم "الخطاط" استخدمت صور عن خط الرقعة توضح بيها كل حرف كم نقطة حجمو وارتفاعو ، تكدر تبحث عنها بگوگل باسم (قواعد حروف خط الراقعة)  ،، تعلّمي لحروف خط الرقعة يعتبر كللش ممتاز خلال ١٠ ايام ولكن انا احس انو الوقت الي عدقضي بالخط قليل يومياً لازم شوية ازيد واضغط على نفسي حتى اتعلم واتقنو بشكل احسن. كل هاي علمود اتعلم حروف خط الرقعة  خلال اخر يوم من هاي ال١٠ ايام كتبت كل حروف خط الرقعة مرة ثانية علمود اراجع نفسي باللي تعلمته ،،  صراحةً التحدّي علمني انو كلشي تشوفو صعب هوا بالحقيقة سهل ولكن ينرادلو بس انو تسعى عليه وبذل جهد حتى تحققو ، يعني انا كنت متخيل تعلّم الخط صعب وينرادلي دورات ومدرسين ولكن بس شاركت بهذا التحدي  وقمت اتعلم خط بالبيت شفت انو سهل كللش بس ينراد الشخص يتحرّك للشي الي يريدو ما يضل واقف بمكانو وبس يتمنى . الشي الحلو والي فاجئني هوا انو مرتضى وفريق الت

 ويا كلّ الهلا 😁 مرحبا أنا عبيدة ، مرة انا وصغيّر شفت ابوي عيكتب بس الكتابة كانت حلوة كلللش ومتناسقة ومرتبة ف سألتة قال هذا اسمو "خط" ف انا عجبني الموضوع . ☺ كنت اتمنى اصير خطاط او اتعلم كم خط ، وبحسن الحظ بالصف الرابع الابتدائي كان اكو كتاب اضافي بالمنهج اسمو الخط الكوفي وكان تدرسنا هوا الست بالصف ، انا حبيت الخط واتعلمتو وبنفس السنة عملت لوحتين للمدرسة يخبلوون ، كللش مقهور انا لأن ما اكدر اشاركّم الصور للوحتين الي هما الاقرب الى قلبي ، لأن صورهم تلفت بعمليات التحرير.  💔. وبعد ما تحررنا بخير وسلامة اول ما بديت الدوام الست عرفت انا اعرف اخط كوفي طلبت مني لوحتين وهاي بعمر ال١٢ سنة .  وبعد ما الست عجبتها اللوحة قالت يلا بينا لوحة ثانية حتى نشارك بمعرض 😁 بالمناسبة الست سحبت علي وما عرفت نتيجة المعرض 🤭 وبعدها بسنة هم لوحة لمدرسة ثانية 😅 وللأسف هاي سنتين تارك الخط لان ماكو واهس او احد يخليني التزم ،  هدفي بهذه التحدي هوا ان اتعلم خط الوسام وخط الرقعة عن طريق فيديوات على اليوتيوب لخطاطين مثل علي المالكي   وغيرهم كثير .  اختياري لخط الرقعة لأنو قريب على الكتابة العادية السريعة،