ثمار الثلث الثاني من تحدي ال٢٩ يوم 💪🏻💚
الله أكبر كبيرًا، والحمد لله كثيرًا، وسبحان الله بكرةً وأصيلاً
ويا كلل الهلا 😊🙋♂️
اشونكم ؟ مثل ما تعرفون انا عدتعلم خط الرقعة ف يومياً اخط بحدود ساعتين الى ثلاث ساعات ، هدفي من بداية التحدي هوا ان اتعلّم خط الرقعة و خظ الوسام .
بأول ١٠ ايام كملت تعلم قواعد حروف خط الرقعة ، اما بهاي ال١٠ ايام الثانية صرت اكتب كلمات بهذا الخط يعني مو بس حروف ؛ حتى اختبر نفسي واحسن من الاخطاء الي عتصير ، ببداية هاي ال١٠ ايام كنت علما اكتب جملة لازم اتدرب عليها صفحة كاملة و هسا الحمد لله كل جملة اريد اقللدها او اخطها ب أول او ثاني محاولة تضبط 👌🏻✨ .
 |
| بعض الاقتباسات الي كتبتها . طبعاً اغلب الاقتباسات الي اخطها والجمل اللي اقلدها مأخوذة من "كلمات الخطاطين" |
واكتشفت قناة بيها كومة فيديوات تعليمية عن خط الرقعة كللش انصح بيها للخطاط "ااحمد الآغا"
كمية الجهد لي حد الآن عادية ولي هسا ما راضي على الوقت والجهد الي عدقضي بالتحدي ، يعني هوا تقدم حلو بس اطمح للأحسن .
تعلمتّ بهذه التحدي انو تغير حال البلد للأحسن ما يكون بشي مادّي من عدنا وانما يكون بتغير الفكر وتطوير النفس وتعلّم اي شغلة حرفياً اي شي ، لان هذا يضيف مردوده عالبلد بطريقة غير مباشرة .
صراحة المشاعر بهذه التحدي بالنسبة اللي متقلّبة فرح ، حب ، حماس ، كسل ، يأس ، امل 😬
وبفترة اليأس وقبل ما انام جبت ورقة وقلم وگعدت اكتب حروف بخط الوسام (اللي هوا هدفي الثاني بهذا التحدي) على شكل منارة الحدباء وهنا كانت المفاجأة 😁
 |
| -حلوى مو ؟ - ادري انت/تِ الاحلى 🌝❤️🔥 |
يارب يومياً مثل هذا اليأس الي ينتج عنه ابداع 🤲🏻😂💚
راح يصير تغيير بالخطة ، راح اتعلم يومياً قواعد اتصالات ٣ احرف بخط الرقة واتعلم قاعدة ٣ احرف بخط الوسام ، يعني بالنهاية اكون متعلم خط الوسام والرقعة ، واكيد واثق من نفسي انو اكمل هالتحدّي 💪🏻"إن شاء الله"
١-ممتن للخطاط العراقي استاذ وسام لان هوا اخترع هذا الخط وخللانا نبدع بي .
٢- ممتن لجيرانا لان انطاني نبات ال"قصب" من حديقتهم وابوية سوالي بيه قصبة خط 😁.
٣- ممتن لكل شخص ينطي كلمات سلبية لان هوا يخلليني اتعلم على قسطة 😀.
تعليقات
إرسال تعليق